ليکنه : لراوبر ډاټ کام - هالنډ

خپروونکی : د لراوبر اداره

نېټه : ٢٠ / ١١ / ١٣٨٨  |  2010-02-09

larawbar.com

 هالنډ : پټ سوي بم زرګونه مساپر ځنډولي دي

هالنډي پوليسو هغه کس نيولی دی چي نن سهار يې له روزندال څخه زووله ته په لاره کي مساپرو ته ويلي وه چي په اورګاډي کي يې بم ځای پر ځای کړی دی او دوی ټوله به داسي ووژل سي لکه د ۱۱ سپټمبر د پېښي .
پوليسو د دنبوس مرکزي ستېشن له مساپرو خالي کړی دی ، له دنبوس څخه او دنبوس ته داورګاډو تګ راتګ په ټپه درېدلی او دمرکزي اورګاډځای شاوخوا کورونه او دفترونه ټوله خالي سوي دي .
پوليس دڅرخکو او روزل سوو سپو په مرسته دچاوديدونکو توکو پلټنه کوي . له نيول سوي کس څخه پوښتني ګروېږني رواني دي .
بله خوا د هالنډ د اورګاډي چارواکو رسنيو ته وويل چي چاوديدونکي توکي ددوی کارکوونکو په هغه چټکه اورګاډي کي وموندل چي د روزندال څخه ددنبوس له لاري زوولي ته تلله . پوليسو دا خبره رد کړې ده .

 لراوبر ډاټ کام - هالنډ

شاته