برېښ

د بولي سيسټم اندېښنې (اعراض) تل د ښځو په جنسي ژوند باندې ناړوه اغېز کوي

April 10, 2008 – 9:48 am

د رويټر اژانس خبريال د مارچ ۳۱ نېټه

جيلي سټيني

هغه ښځې، چې د بولي سيسټم د ښکتنۍ برخې اندېښنې ولري ( دا ناروغي د LUTS په نوم سره هم يادېږي) دوي د هغو ښځو په نسبت، چې له داسې ستونزو سره نه وي مخامخ ډېر احتمال لري، چې له جنسي ستونزو سره لاس او ګرېوان وي. دا خبره څېړونکو د بولي سيسټم په برخه کې د اروپايي ټولنې په کلنۍ غونډه کې کړې ده.

ډاکټر کان کيللر او د هغه ملګرو، چې د لندن په يوه روغتون کې په دنده بوخت دي دوي د بولي سيسټم د ښکتنۍ برخو د اندېښنو اغېزې په جنسي دندو باندې څېړلې دي او بيا يې ترې ډاټابېس جوړ کړی او له ټولو ۳۳۳ عمومي پېښو څخه يې ريکارډ جوړ کړی دی.

څېړنې په (۱۳۷۷۰۰۰) ښځو باندې ترسره شوې دي، چې د هغوي عمرونه د ۱۸ څخه زيات وو او د ۲۰۰۰ ز او ۲۰۰۶ ز کلونو ترمنځ موده کې د ډاکټرانو له لوري کتل شوې وې.

څېړونکو د خپلو څېړنو په ترڅ کې تر لاسه کړې، چې هغه ښځې د خپل بولي سيسټم د ښکتنۍ برخې له اندېښنو سره مخامخ وي هغوي د هغو ښځو په نسبت، چې اندېښنې نه لري دوه ځلي زيات له جنسي ستونزو سره مخامخ وې.

مالوماتو دا هم ښودلې، چې د جنسي اړيکو ستونزه په هغو ښځو کې زياته ليدل شوې، چې عمرونه يې د ۳۰ او ۶۰ کلونو ترمنځ وو او هغه ښځې، چې عمرونه يې له پورته کلونو څخه واړه يا لوی وو هغوي کې بيا دغه ستونزه دومره نه ليدل کېده.

له دې برسېره، د مثانې زيات فعاليت، په خپل سر د تشو متيازو تلل او ترې را ولاړ شوې ستونزې لکه د جنسي اړيکو ستونزې هغه وخت زياتې ليدل شوي دی، چې ښځې د درس د زده کړې په دوران کې وی.

ډاکټر کيللر ويلي: لاسته راغلي مالومات وړانديز کوي، چې د بولي سيسټم د ښکتنۍ برخې اندېښنې د جنسي اړيکو له ستونزو سره تړاو لري ( پدې کې د مثانې زيات فعاليت هم راځي) او بايد د ښځو په ناروغيو کې دې خبرې ته پام وشي او د ستونزې د درملنې په اړه دغه حالت تشخيص او بيا تر درملنې لاندې ونيول شي.

پای