اوس د بابي په نوم د ياد سوي ژورناليست پدرامي، افغانستاني انډيوالانو له خوا چي څه موده مخکي يې په جرمني کي د پټو غونډو راپورونه ازادو مطبوعاتو ته ورسيدل ، ويل به يې ( با افسوس بايد بګويم که باز هم در بانک نوتهای نو ما * د افغانستان بانک * ( پشتو ) نویشته شده است ) ، ددغې افغان ملي ضد ډلو ټپلو لارويانو اوس د اطلاعاتو او کلتور په وزير پسي را خستې ده او غواړي د قانون عملي کولو په جرم ؟ يې تورن کړي تر څو يو ځل بيا ددوی رهين مخدوم ډوله د افغانستان او افغانانو ددښمنانو او نړيوالو غلو استازی دې چوکۍ ته وګماري .

هر څه که رامنځ ته سي ګيله او مسوليت يې د ولسمشر حامد کرزي په غاړه دئ ځکه چي ولسمشر کرزی و چي خپل مرستيال احمدضيا مسعود او د ملي شورا ريس يونس قانوني يې د دوبی په نړيوال هوايي ډګر کي د مليونونو ډالرو غلا سوو پيسو سره تر نيول کېدو وروسته راخوشي کړل .

که چيري د اطلاعاتو او کلتور وزير ته هر ډول ستونزه جوړيږي معنا به يې دا وي چي ولسمشر کرزی هيوادپالو او قانون د عملي کوونکو ملاتړ نه کوي بلکي د غلو او لاره وهونکو مل او انډيوال دی .

په هيواد کي د عدالت او انصاف د عملي کېدو په هيله

عبيدالله نوري

کندهار کلتوري ټولنه – هالنډ www.larawbar.com/kcvn

د کندهار کلتور ټولني تګلاره په لسو مادو کي د دې ټولني د مشورتي کميسون له خوا تصويب او تاييد سوې ده ، په تګلاره چي هر ځای ټولنه ليکل سوې ده معنا يې په هالنډ کي کندهار کلتوري ټولنه ده .
1. دا يوه ناسياسي ټولنه ده چي په هالنډ کي د کندهاري ځوانانو او کورنيو سره په کلتوري او ټولنيزو چارو کي د همږغۍ او همکارۍ لپاره هلي ځلي کوي.
2. هر هغه څوک چي عمر يې اتلس کاله پورته وي ، په کندهار کي زېږېدلی وي يا يې مور او پلار د کندهار ولايت هستوګن وي کولای سي ددې ټولني غړيتوب ترلاسه کړي .
3. ټولنه به د خپلو غړيو سره د بيړنيو حالاتو په وخت کي لکه : په کور کي مړی ، په رخصتي کي د حادثې سره مخامخيدل او داسي نورو پر مهال يوه اندازه مرسته کوي .
4. ټولنه هڅه کوي چي د کورنيو د کوچنيانو لپاره د اړتيا وړ درسي او کلتوري مواد لکه هنري فلمونه ، درسي کتابونه او نور چمتو کوي او په واک کي يې ورکوي .
5. ټولنه د ځوانانو او کوچنيانو د ښې راتلونکي لپاره په کال کي يو ځل کلتوري ، روزنيز او تفريحي پروګرام جوړوي دداسي موادو څخه لاسته راغلي پيسې د ټولني حق کيږي.
6. ټولنه به په هالنډ کي په رسمي ډول راجستر کيږي ، بانکي حساب به لري د ټولني چاري به ددرو کسانو له خوا پر مخ بيول کيږي لکه : د ټولني مشر ، د ټولني سکرټر او مالي چارواکی .
7. ټولنه بايد لومړنۍ پنځه زره يورو د سختو او بيړنيو حالاتو لپاره تل په خپل بانکي حساب کي وساتي .
8. هر هغه څوک چي په ټولنه کي غړيتوب نه کوي يا يې نه لري ، د اړتيا ، سختۍ ، يا داسي حالت کي چي پر ټولنه مصرف راځي ، برخه نه سي اخستلای .
9. د ټولني هر غړی د غړيتوب پاڼي تر لاسليک کولو وروسته ددغه تګلاري په منلو او ټولني ته هره مياشت د غړيتوب د ونډي په ورکولو مکلف دی .که پرله پسې درې مياشتي د غړيتوب ونډه تحويله نه سي ټولنه يې غړيتوب پای ته رسوي ، بياغړيتوب تر پوښتنو او پلټنو وروسته کيدای سي .
10. کله که څوک پسله څو مودې د ټولني له غړيتوبه لاس په سر کيږي ، تحويل سوي پيسې يې د ټولني حق کيږي او هغه غړی نور دټولني له هغو اسانتياو چي مصرف لري ګټه نه سي اخستلای .

پورتنۍ تګلاره د ټولني د بنسټ ايښوونکي ديارلس کسيز کميسون تر منلو او تاييد وروسته د ۲۰۰۸ کال د جنوري نېټې د لومړۍ نېټې څخه د اعتبار وړ دئ .
د اړتيا پر مهال يا په هغه چارو کي چي په تګلاره کي يې څرګندونه نه وي سوې د ټولني دري کسيز مشرتابه د لس کسيز مشورتي کميسون سره يو ځای تر پريکړي وروسته بدلون پکښي راوستلای سي .

يو مي سوال جواب د قبر په پښتو کړې *** يو لحد پر کندهار درڅخه غواړم ! 

کندهار ښار ، د شهيدانو چوک ځکه ياديږي چي دلته د افغان انګرېز د جګړې د وخت شهيدان ښخ سوي دي 

د هالنډ د ګلانو مشهور پارک ( کوکنهوف )

په کندهار کي د سردار مدد خان چوک چي په پارسي ورته چوکي مدد وايي. مخامخ دواړه سړکونه د عيدګا جاده په نوم ياديږي چي عيد ګا دروازې ته تللي دي .

واوړه را واوړه ، تازه ګلونه راوړه ***  په ګلو کي دي شپه وه ، تا تشه لمن راوړه .

نړيوال دي د افغان ماشومانو په ښوونه او روزنه کي برخه واخلي .

موږ له جګړې کرکه لرو ، موږ په خپل هيواد کي د سولي او امنيت او خپلو بچيانو ته د ښووني او روزني د حق ورکولو غوښتنونکي يو !

حاجي سلطان محمد احمدی ، محمد قاسم احمدي ،  فريد احمد ويال ، پښتون ويال ، عبيد الله نوري ، عبدالله احسان ، زلمی اختر ، همايون نوري ، عبدالحکيم پوپل ، محمد اکبر پوپل ، احمد الکوزي ، حميد هاشمي ، محمد داود . . . . ، نذير احمد  …  ولي الکوزي  او احمد مسعودي .

د پورته يادو سوو کسانو له منځه عبيدالله نوري او همايون نوري ځانونه د مشرتوب لپاره کانديد وټاکل چي د عبيدالله نوري د ښکاره رايو په اکثريت سره د کميسون له خوا مشر وټاکل سو .  وروسته د کميسون له خوا ميرويس ويال د اداري چارو مسول ( سکرټر ) او همايون نوري د مالي چارو مسول وټاکل سول .

د غونډي ټولو برخه والو وعده وکړه چي دوی به په خپلو سيمو کي د ټولني په اړه خپلو دوستانو او ملګرو ته احوال ورکوي او هغوی به د ټولني سره کومک او همکارۍ ته رابولي .

د ټولني مشر ښاغلي عبيد الله نوري او د مالي چارو مسول ژمنه وکړه چي هڅه به کوي چي ډير ژر د ټولني د رسمي راجستر کېدو او په بانک کي د ټولني لپاره د اکونټ د خلاصېدلو  کار پشپړ کړي .

غونډه د عبدالله احسان له خوا د خير او برکت ددعا په ويلو سره په داسي حال کي پای ته ورسېده چي ورپسې يې د غونډي ټولو برخه والو ددې غونډي جوړېدل يو ډير ضروري کار وباله او له امله يې يو بل ته مبارکي وويله .

عبدالله احسان