زرغون

دانتخاباتوامنيت به ټينګ شي

zarghon — Sun, 07 Jun 2009 10:54:37 +0000

/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;}

دافغانستان امنيتي چارواكي وايي چې دانتخاباتودامنيت دټينګولولپاره يوپياوړى پلان دجوړيدوپه حال كې دى اوډيرژربه عملي شي.

ددفاع وزارت داپراسيون رييس شيرمحمد كريمې نن په كابل كې خبريالانوته وويل چې دوى هڅه كوي ترڅوله پوليسواوبهرنيوځواكونوسره په همآهنګۍ كې دانتخاباتولپاره ډاډمن امنيت رامنځ ته كړي.

ده څرګنده كړه چې دانتخاباتودامنيت دټينګښت په هدف دتطبيقاتوپروګرام ديكشنبې له ورځې پيل شوى اوپه چټكۍ سره روان دى.

په عين حال كې دكورنيوچارو وزارت امنيتي مرستيال منيرمنګل وايي چې دوى هڅه كوي ترڅو د را تلونكوانتخاباتولپاره امنيت ټينګ كړي ترڅوخلك وكولاى شي په ډاډه امنيتي فضا كې رايه وركړي.

ترسلوزيات كسان دسيلابونوله امله مړه شوي

zarghon — Tue, 12 May 2009 00:55:28 +0000

دافغانستان په ډيرشميرشمالي ولايتونوكې دسختوسيلابونوله امله ترسلوزيات كسان مړه شويدي.

دبيړنيوحالاتودكميټې مسوولين وايي چې سيلابونوپه بدخشان،تخار،كندز،بغلان،بلخ،سمنګان،جوزجان،سرپل،فارياب اودايكنډي كې سلګونه كورونه نړولي او زرګونه هكتاره كرنيزه ځمكه يې ويجاړه كړيده.

دطبيعي پيښوپه وړاندې دمبارزې دادارې رييس ډاكټرادراك وايي چې دوى دځينونوروملي اونړيوالوموسسوپه مرسته سيلاب ځپلوسيموته دمرستورسول پيل كړي خوپه سيمه كې خلك ډيرو ستونزو سره مخامخ دي.

ډاكټرادراك وويل نړيوال اودسيمې هيوادونه بايد په افغانستان كې سيلاب ځپلوسره خپلې مرستې پيل كړي ځكه چې په سيلاب ځپلوسيموكې خلك له ډيرستونزو سره مخامخ دي اولاهم ډيرشميرخلك دسيلابونوپه مينځ كې ګيردي.

دراپورونوله مخې ګڼ شميرخلك په دغوسيموكې دخپلوكورونوپريښودوته اړشوي اوپه ډاګونواودښتوكې په سختۍ سره شپې سباكوي.

ولسې جرګې دملكي كسانودوژل كيدوپه وړاندې اعتراض وكړ

zarghon — Tue, 12 May 2009 00:47:07 +0000

ولسې جرګې د دوشنبې په ورځ په افغانستان كې دملكي تلفاتوپه اړه جدي غبرګون وښود او له حكومت نه يې وغوښتل چې په دې هيواد كې دبهرنيوځواكونودقانوني كيدولپاره يوه جامع طرحه جوړه اودې جرګې ته يې واستوي.

دولسې جرګې غړو دا پريكړه وروسته ترهغې وكړه چې په ولسې جرګې كې دفراه ولايت وكيلانووويل چې دبالابلوك په ولسوالۍ كې دبهرنيوځواكونوپه وروستيوهوايي بمباريوكې ترپنځه څلويښت زيات ملكي كسان وژل شوي چې پنځه نوي پكې ماشومان دي.

ولسې جرګې د دوشنبې په ورځ دبهرنيوځواكونودخپل سره پوځي عملياتواودملكي كسانودوژل كيدوپه اعتراض له غونډې را ووتل اولږ ځنډ لپاره دولسې جرګې دودانۍ په وړاندې ودريدل.

دولسې جرګې لومړي منشي عبدالستارخواصي په دې اړه ددې جرګې پريكړه ليك ولوست چې پكې راغلي نورافغانان دملكي كسانو دوژل كيدو زغم نلري اوبايد چې حكومت تريوې اونۍ پورې په افغانستان كې دبهرنيوځواكونودفعاليتونودتنظيم لپاره يوه طرحه ولسې جرګې ته دتصويب لپاره واستوي.

په بدخشان كې د واورې دښويدوله امله لس كسه مړه شوي

zarghon — Sun, 03 May 2009 05:56:30 +0000

دبدخشان ولايت په نيساى ولسوالۍ كې دواورې دښويدوله امله يوشميركسان مړه شويدي.

دبدخشان ولايت دنيساى ولسوال زين العابدين درويشي وويل چې دا پيښه تيره ورځ شوې اودسيمې لس تنه اوسيدونكي پكې مړه شويدي.

په خبركې ويل شوي چې دبدخشان ولايت دنيساى په ولسوالۍ د واورې دښويدوله امله كابوڅلورزره څاروي هم له منيځه تللي دي.

په يوبل خبركې ويل شوي چې تير شپه دبدخشان ولايت ديفتل سفلا په سيمه كې دسيلابونوله امله شل كورونه نړيدلي دي.

په پكتيا كې نښته اوټرافيكې پيښه شوې

zarghon — Sun, 03 May 2009 05:55:23 +0000

دپكتيا ولايت سيمه ايز مقامات وايي چې تيره شپه ددې ولايت دلږې منګل په ولسوالۍ كې ددولت له وسله والومخالفينوسره نښته شويده.

دپكتيا دوالي وياند روح الله سمون دآزادۍ راډيوته وويل چې نښتې نيم ساعت دوام وكړخوپوليسوته مرګ ژوبله نه ده اوښتې.

دطالبانووياند ذبيح الله مجاهد ادعا كوي چې په دې نښته كې دوه پوليس وژل شوي خو دپكتيا دوالي وياند دا ادعا ردوي.

له همدې ولايت څخه يوبل را رسيدلى خبروايي چې نن سهاردتيرې په كوتل كې د دوو موټرودټكرله امله پنځه تنه مړه شوي اوديوې ښځې په ګډون درې نورټپيان دي.

ددې پيښې علت دموټرچلوونكوبي احتياطي بلل شويدى.

دكورنيوچارو وزارت وايي چې دولس تنه طالبان په ارزګان كې وژل شوي

zarghon — Sun, 03 May 2009 05:54:10 +0000

دافغانستان دكورنيوچارو وزارت وايي چې دارزګانو په ولايت كې په پوځي عملياتوكې ددولت دولس تنه وسله وال مخالفين وژل شوي اويوه اندازه وسلې هم امنيتي ځواكونوته په لاس ورغلي.

په دې اړه دكورنيوچارو وزارت په خپره شوې اعلاميه كې راغلي چې دا پوځي عمليات دارزګانو ولايت دچنارتوولسوالۍ دچنار،سبزل،اولنګرپه سيموكې ترسره شويدي.

په اعلاميه كې ويل شوي چې په وژل شوو كې د وسله والوطالبانودرې تنه قومندانان هم شامل دي.

طالبانولاتراوسه ددې عملياتواودخپلوكسانو دوژل كيدوپه اړه څه نه دي ويلي.

په پروان كې دزده كوونكومسموونكي بايد مجازات شي

zarghon — Sun, 03 May 2009 05:52:45 +0000

دپروان ولايت ډيرشميراوسيدونكوله حكومت نه غوښتي چې دانجونوديوۀ ښوونځي دزده كوونكودمسموميدو دپيښې عاملين ونيسي.

دوى غوښتنه كړې چې دغوكسانوسخت جرم كړى اوبايد چې سخته سزا وركړې شي.

دپروان ولايت دامنې قومندان جنرال خليل الله ضيايي دآزادۍ راډيوته وويل چې ددې پيښې په ارتباط ددوى څيړنې رواني دي اوهڅه كيږي چې ددې پيښې عاملين ونيول شي.

په پروان ولايت كې تيره اونۍ دزهرجنو درملودپاشلوله امله دصادقي دانجونودښوونځي درې څلويښت تنه زده كوونكي مسموم شول.

په هرات كې په نښته كې مرګ ژوبله شوې

zarghon — Sun, 03 May 2009 03:47:01 +0000

په هرات ولايت كې سيمه ايزامنيتي مسوولين وايي چې تيره ورځ ددې ولايت په ګذرې اوچشت شريف ولسواليوكې دافغان اونړيوالوځواكونواووسله والومخالفينوترمنځ نښته شويده.

دهرات ولايت يوۀ امنيتي مسوول چې خپل نوم يې څرګند نكړ وويل چې په دې نښته ددولت يوشميروسله وال مخالفين وژل شوي اوپنځه تنه يې ټپيان دي.

نوموړي څرګنده كړه چې په دې پيښه كې درې تنه پوليس هم ټپيان شويدي.

خودطالبانووياند قاري يوسف احمدي ادعا كوي چې په دې نښته كې پنځلس تنه افغان اوبهرني عسكروژل شوي خودهرات ولايت امنيتي مسوولين دا ادعا ردوي.

په هرات كې يوروغتون پرانستل شو

zarghon — Sun, 03 May 2009 03:45:39 +0000

په هرات ولايت كې دشنبې په ورځ يونسايي او ولادي روغتون دعامې روغتيا دوزيرلخوا پرانستل شو.

دعامې روغتيا وزيرډاكټرسيد محمد امين فاطمي هيله وښوده چې له دې روغتون سره په نوموړي ولايت كې دميندو اوماشومانودمړينې اندازه را كمه شي.

په خبركې ويل شوي چې دا روغتون درضايي دخيره بنياد لخوا د درې ميليونه امريكايي ډالرو په مالي لګښت جوړ شويدى.

ډاكټرفاطمي څرګنده كړه چې ډيرژربه دهرات ولايت په شينډنډ ولسوالۍ كې هم ديوۀ بل روغتون دجوړولوكار پيل شي.

ديكشنبې ورځ دبيان دآزادۍ نړيواله ورځ ده

zarghon — Sun, 03 May 2009 03:44:29 +0000

داطلاعاتواوكلتور وزارت چارواكي وايي چې دوى په افغانستان كې دبيان له آزادۍ څخه په ټينګه ملاتړكوي اوددې پديدې دپياوړي كولولپاره به خپلوهڅوته دوام وركړي.

داڅرګندونې په داسې حال كې كيږي چې نن يكشنبه دمې دمياشتې دريمه نيټه دبيان دآزادۍ نړيواله ورځ ده اودا ورځ په افغانستان كې هم نمانځل كيږي.

په عين حال كې يونما يا په كابل كې دملګروملتونوسازمان هم ديوې اعلاميې په خپرولوسره ويلي دي چې د ډموكراسۍ د پراختيا اوپياوړتيا لپاره دبيان آزادي ډيره ضروري بلل كيږي اوبايد چې دتقويه كولولپاره يې ډيرې هڅې وشي.

په عين حال كې په افغانستان كې ګڼ شميرژورنالستان وايي چې دوى له ډيرو سختوستونزو اوناخوالوسره مخامخ دي اولاهم دځينودولتي مقاماتو،دوسله والوطالبانواوپه ډيرومواردوكې د غيرمسوولووسله والولخوا ددوى په وړاندې زورزياتى كيږي.